ពេលណាអ្នកគួរតែរួមភេទបើសិនអ្នកចង់មានផៃ្ទពោះ បើសិនជាអ្នកចង់មានផៃ្ទពោះ​ តើពេលណាជាវេលាល្អបំផុតដើម្បីរួមភេទ?

How to get pregnantពេលវេលាពិតជាសំខាន់ណាស់ព្រោះ មេជិវិតឈ្មោល(sperm)អាចរស់នៅក្នុងស្បូនមនុស្សស្រីបានពី ពីរថៃ្ង​ទៅបីថៃ្ង ប៉ុន្តែ​មេជិវិតញី(ovule)អាចរស់នៅបានតែរយៈពេលពី 12h ទៅ 24hប៉ុណ្ណោះ។​ ដើម្បីបង្កើនឱកាសក្នុងការមានកូន សំខាន់គឺយើងត្រូវរួមភេទ​អោយបានច្រើនជាងមួយដងក្នុងអំឡុងពេលដែលមេជិវិតញីពេញវ័យ។ វិធីដែលល្អគឺត្រូវរួមភេទមុនមួយថ្ងៃឬពីរថ្ងៃ មុនថ្ងៃដែលមេជិវិតញីពេញវ័យ និងនៅថ្ងៃដែលអូវែរបញ្ចេញមេជិវិតញី។ ការធ្វើបែបនេះទើបមេជិវិតឈ្មោលដែលពេញវ័យអាចចាំជួបមេជិវិតញីដែលត្រូវបញ្ចេញដោយអូវែរ។

គ្មានអ្វីអាចបញ្ជាក់ច្បាស់ថាតើថ្ងៃណាដែលមេជីវិតញីពេញវ័យនោះទេ វាអាស្រ័យលើរយៈពេលនៃវដ្តរដូវរបស់អ្នក។ ​ស្រ្តីភាគច្រើនគឺមេជីវិតញីពេញ​វ័យនៅថ្ងៃទី 14 មុនថ្ងៃមករដូវម្តងទៀត បើសិនជាគាត់មានវដ្តរដូវ28ថ្ងៃក្នុងមួយខែ ប៉ុន្តែបើសិនជាអ្នកមានវដ្តរដូវ35ថ្ងៃក្នុងមួយខែ នោះមេជីវិតញីរបស់អ្នកអាចពេញវ័យនៅថ្ងៃ21មិនមែនថ្ងៃ17ទេ។

តើខ្ញុំត្រូវធ្វើដូចម្តេចទើបដឹងថាមេជីវិតញីពេញវ័យ?

ស្រ្តីខ្លះដឹងពេលដែលមេជីវិតញី របស់ពួកគេពេញវ័យ តែអ្នកខ្លះទៀត មិនដឹង ឬ មិនបានចាប់អារម្មណ៍អ្វីទាំងអស់ ។ រោគសញ្ញាដែលបញ្ជាក់ថា មេជីវិតញី ពេញវ័យមានដូចជាៈ

  • សុដន់ឡើងតឹង
  • មានអារម្មណ៍មិនស្រណុកក្នុងពោះ
  • ធ្លាក់ស ច្រើនខុសធម្មតា សណ្ឋានដូចស៊ុតពណ៌ស
  • មានអារម្មណ៍ថាឡើងកំដៅ

បើសិនជាអ្នកមានបញ្ហាក្នុងការគិតរកថ្ងៃដែលមេជីវិតញីពេញវ័យ អ្នកអាចសាកល្បង ធ្វើតេស្តទសទាយថ្ងៃដែលមេជីវិតញីពេញវ័យ ។

បើសិនជារដូវរបស់ខ្ញុំមិនទៀង តើវាមានផលវិបាកសំរាប់ខ្ញុំ ក្នុងការមានផ្ទៃពោះដែរ ឬទេ?

ភាពតានតឹង ការធ្វើលំហាត់ប្រាណហួសហេតុ ការសំរកទំងន់ ឬ ការឡើងទំងន់ ហួសកំរិត វាក៏អាចជាផលរំខានក្នុងការមករដូវផងដែរ ។ បើសិនជាការមករដូវរបស់អ្នកមិនទៀងទាត់ នោះការវាយតម្លៃពីថ្ងៃដែលមេជីវិតញី ត្រូវពេញវ័យក៏មានការពិបាកដែរ ។ អ្នកអាចកំណត់ថ្ងៃ​ដែលអ្នកចង់បានបុត្រ ដោយធ្វើការតាមដានថ្ងៃដែលមេជីវិតញីពេញវ័យជារៀងរាល់ខែ ។

ចាត់ទុកថា វដ្តរដូវរបស់អ្នកមានរយៈពេល ២៨ ថ្ងៃ ខែក្រោយមានរយៈពេល ២១ ថ្ងៃ រី​ ឯ ខែបន្ទាប់មាន     រយៈពេល ៣២ ថ្ងៃ ។ ដូចនេះចូរកត់ចំណាំវដ្តរដូវរបស់អ្នកជារៀងរាល់ខែ បន្ទាប់​មកដក ១៧ ពីខែ ដែលវដ្តរដូវរបស់អ្នកខ្លីជាងគេ និងដក ១១ ចំពោះខែដែលវដ្តរដូវរបស់អ្នក​វែងជាងគេ ។ ថ្ងៃដែលនៅចន្លោះនៃចំនួនលេខទាំង ២ គឺជាថ្ងៃដែលអ្នកអាចមានផ្ទៃពោះបាន។ បើសិនជាវដ្តរដូវរបស់អ្នកមិនទៀង ហើយមានរយៈពេល ៣៥ ថ្ងៃ ឬលើសពីនេះទៅទៀត អ្នក​គួរទៅធ្វើការពិភាក្សាជាមួយគ្រូពេទ្យជំនាញខាងរោគស្រ្តី​ ដើម្បីរកមូលហេតុដែលធ្វើឲ្យការ​មក​រដូវមិនទៀងទាត់ មានដូចជាជំងឺដុះគីស នៅក្រពេញអូវែរ (Polycystic ovarian syndrome) ក្រពេញ​អូវែរមានមុខងារមិនគ្រប់លក្ខណៈ (Ovarian Dysfunction) ជំងឺទាក់ទងជាមួយក្រពេញ​ទីរ៉ូអ៊ីត (Thyroid Disorder) ការបាត់បង់ទំងន់ហួសកំរិត ឬការកើនឡើងកំរិតអ័រម៉ូនប្រូឡាក់ទីន។

យោងទៅតាមការគណនា ថ្ងៃដែលមេជីវិតញីពេញវ័យ

Comments

Recommend to friends
  • gplus
  • pinterest