វាជារឿងធម្មតាដែលពួកគាត់ មានអារម្មណ៏ភ័យខ្លាចលាយឡំជាមួយ អារម្មណ៏រំភើប នៅពេលកូនរបស់គាត់ កើតលឿនជាងពេលកំណត់។​ អ្នកត្រូវទៅទទួលដំបូន្មាន និងព័ត៍មានខ្លះៗ ដើម្បីជួយសំរាលដំណើររបស់អ្នក ក្នុងនាមជាមាតាបិតានៃទារកមិនគ្រប់ខែ ដូចជា​ពួកយើងមានវិធីក្នុងការដោះស្រាយ ជាមួយការរំជួលចិត្ត ការគាំទ្រ​ ការស្វែងរកអ្នកជួយមើលថែទាំក្មេង ហើយនឹងការរស់នៅជាមួយកូនរបស់អ្នកយ៉ាងរីករាយ។​ ការថែទាំទារក ដែលមិនគ្រប់ខែវាមានលក្ខណៈខុសគ្នា ជាមួយការមើលថែទាំទារកធម្មតា ដោយសារទារកមិនគ្រប់ខែ​ ច្រើនតែមានបញ្ហាជាមួយ​នឹងការញុំា ការគេងហើយអាចមានការពិបាក ក្នុងការលួងលោមទៀតផង។ ហើយពួកគេអាចក៏នៅបន្តត្រូវការថ្នាំព្យាបាលខ្លះៗ ដូច្នេះចូរស្វែងយល់ពីរបៀបដែលអ្នកអាចជំនះវាបាន។

ជំហានទី១ដើម្បីបញ្ឈប់ការយំ

បើសិនជាកូនរបស់អ្នកយំ អ្នកគួរសាកល្បងវិធីខ្លះៗដូចខាងក្រោម៖

• ​ត្រូវបញ្ជាក់អោយច្បាស់ថាកូនអ្នកមិនឃ្លានទេ
• ត្រូវបញ្ជាក់អោយច្បាស់ថា​ខោកន្ទបគេនៅស្អាត បើមិនស្អាតទេ ដូរវាចេញទៅ
• រកសញ្ញាដែលបញ្ជាក់ពីការឈឺចាប់ ឧទាហរណ៏ៈ កំដៅឡើងដល់១០០.៤ដឺក្រេ មានហើមអញ្ចាញធ្មេញ​ រឺមានមេរោគក្នុងត្រចៀក
• បំពេរកូនអ្នករឺបណ្តើរកូនអ្នក ប៉ុន្តែបើសិនជាអ្នកចាប់ផ្តើមមានអារម្មណ៍តានតឹង​ និងធុញផង នោះអ្នកគួរទុកកូនអ្នកនៅកន្លែងមានសុវត្ថិភាព ដូចជាដាក់គេគេងនៅលើគ្រែ បន្ទាប់មកអ្នកគួរសំរាកមួយភ្លែត។
• ច្រៀងរឺនិយាយលេងជាមួយគេ
• អោយគេលេងឧបករណ៍កូនក្មេងរឺជញ្ជក់លេងក្បាលដោះសប្បនិម្មិត
• រុញរទេះកូនអ្នកដើរលេង
• ដាក់ភួយរុំជុំវិញកូនអ្នក
• បើកបទចំរៀងរឺទូរទស្សន៍ ប៉ុន្តែមិនត្រូវបើកសំលេងខ្លាំងពេកនោះទេ
• បើកម៉ាស៊ីនបូមធូលី​ ម៉ាស៊ីនបោកខោអាវ រឺក៏កង្ហា ក្មេងខ្លះចូលចិត្តសំលេងទាំងអស់នេះណាស់។
• អោបកូនអ្នកអិបជាមួយនឹងដើមទ្រូង ហើយដកដង្ហើមយឺតៗ
• ទូរស័ព្ទរកមិត្តភក្តិអ្នករឺគ្រួសារអ្នក​ ដើម្បីសុំអោយពួកគេជួយមើលពេលអ្នកចង់សំរាក

ការឆាប់ឡើងទំងន់និងកំពស់

Mia Doronគាត់ជាសាស្រ្តាចារ្យរងផ្នែករោគកុមារនៃសាកលវិទ្យាល័យ North Calorinaហើយនិងជាអ្នកនិពន្ធអត្ថបទមួយមានចំណងជើងថា(The Essential Guide for Parents of Prematures Babies) គាត់បាននិយាយថា ទារកដែលកើតមិនគ្រប់ខែភាគច្រើននិងឆាប់រីកលូតលាស់ទំហំក្នុងអំឡុងពេល១ឆ្នាំដំបូងនៃជីវិតរបស់ពួកគេ។ ជាការពិតណាស់ទារកដែលកើតមិនគ្រប់ខែជាច្រើនឡើងមានទំហំហួសខ្សែកោងនៅពេលគេមានអាយុប៉ុន្មានខែ។

ទារកដែលកើតមិនគ្រប់ខែមួយចំនួនតូច ​ មិនអាចឡើងទំងន់អោយស្មើនិងទំងន់ដែលគេអាចឡើង បើសិនជាគេបានកើតគ្រប់ខែនោះទេ ហើយទំងន់របស់គេនៅតែតូចក្រោមមធ្យមភាគពេញមួយជីវិតរបស់គេ។ ពេលខ្លះវាមានមូលហេតុវេជ្ជសាស្រ្តច្បាស់លាស់ដែលធ្វើអោយកូនមិនឡើងទំងន់ដូចជា បើសិនជាកូនអ្នកពិបាកក្នុងការទទួលទានអាហាររូបត្ថម្ភគ្រប់គ្រាន់ក្នុងរយៈពេលប៉ុន្មានខែដំបូងដោយសារតែមានជំងឺរឺមានផលវិបាកក្រោយពេលសំរាលកូន នោះគេនិងនៅ តែមានការលូតលាស់ទាបដដែល។

ប៉ុន្តែពេលខ្លះវាក៏គ្មានការបកស្រាយណាដែលពិតប្រាកដថា ហេតុអ្វីបានជាទារកមិនគ្រប់ខែខ្លះមានទំហំស្មើនិងទារកដែលមានអាយុប្រហែលគ្នា នឹងទារកខ្លះទៀតក៏មិនអាចមានទំហំស្មើគ្នានោះដែរ។​ វាអាចជាអាថ៏កំបាំងរឺក៏ Doron និយាយថា “ វាជាសំនួរមួយដែលមានតំលៃ​​ ៦៤,០០០ដុល្លា “​។

បើសិនកូនអ្នកជាទារករឺកូនក្មេង នោះគឺវាលឿនពេកក្នុងការបញ្ជាក់ថា កូនអ្នកអាចទាបរឺខ្ពស់ណាស់ ទាល់តែគេមានអាយុលើសពី២ឆ្នាំ ដែលទំហំរបស់គេអាចអោយជាសញ្ញាបញ្ជាក់ថា​គេនិងអាចលូត​ លាស់ដល់កំរិតណានៅពេលដែលគេធំឡើង។ បើសិនជាគេស្ថិតក្នុងភាគរយទី៥០នៃកំពស់ និងទំងន់ស្ថិតក្នុងភាគរយទី២នោះគេ និងនៅកៀកជាមួយនឹងភាគរយនេះពេញមួយជីវិតរបស់គេ។ បើតាមDoronគាត់និយាយថា​ក្មេងដែលមានអាយុ២ឆ្នាំ ហើយទាបតែងតែក្លាយទៅជា​មនុស្សពេញវ័យដែលទាប រឺក្មេងដែលមានកំពស់មធ្យមភាគតែងតែក្លាយទៅជាមនុស្សវ័យដែល​មានកំពស់មធ្យម រីឯក្មេងដែលខ្ពស់នៅអាយុ២ឆ្នាំ ជាទូទៅនិងក្លាយទៅជាមនុស្សខ្ពស់នៅពេលដែលគេពេញវ័យ។ (ចូរមើលពីការទាយកំពស់របស់ក្មេង ដែលជាការព្រាងៗនៃកំពស់របស់​កូនអ្នក នៅពេលដែលគេធំពេញវ័យ)។

ម្យ៉ាងវិញទៀត វាតែងតែមានករណីលើកលែង គ្រប់ច្បាប់ទាំងអស់ហើយកូនរបស់អ្នក ក៏អាចនឹងលូតកំពស់ផុតពីខ្សែកំណោងនៃការលូតលាស់ នៅពេលដែលគេឈានចូលដល់វ័យជំទង់ដែរ។ Doronបាននិយាយទៀតថា​ តាមរយៈការសិក្សាស្រាវ​ជ្រាវខ្លះបញ្ជាក់ថា ទារកមិនគ្រប់ខែ ខ្លះអាចចាប់ផ្តើមរីកមាឌនៅក្នុង វ័យនេះ ប៉ុន្តែវាគ្រាន់តែជាការសិក្សាមួយតូចប៉ុណ្ណោះ។

បើសិនជាកូនអ្នកពិតជាមានមាឌតូចជាងក្មេងដែលអាយុស្របាលគ្នាមែន នោះគឺវាពិបាកដឹង ថាតើវាបណ្តាលមកពីការកើតមិនគ្រប់ខែ រឺក៏មានទាក់ទងជាមួយបញ្ហាសេនេទីក?។ ម្យ៉ាងទៀតវាក៏គ្មានវិធីណាដែលអាចបញ្ជាក់ថា​ កូនអ្នកអាចលូតលាស់បានដល់កំរិតណានោះដែរ។ បើសិនជាសមាជិកក្នុងគ្រួសារអ្នករឺក៏គ្រួសាររបស់ដៃគូរអ្នកមានកំពស់ទាប យ៉ាងហោចណាស់ក៏កូនអ្នកមានកំពស់​តាមលក្ខណៈធម្មជាតិដែរ។

មានរឿងមួយដែលធ្វើអោយអ្នកជំនាញគាត់មានបញ្ហាតានតឹងគឺ ​៖ ចូរកុំព្យាយាមជួយក្មេងដែលមានការលូតលាស់យឺត ដោយការបង្ខំអោយគេញុំាចំណីហួសប្រមាណ។ ជាការពិតកូនអ្នក​ពិតជាត្រូវការអាហាររូបត្ថម្ភគ្រប់គ្រាន់មែន ហើយអ្នកគួរតែពិភាក្សាជាមួយគ្រូពេទ្យរបស់គេ អំពីបញ្ហានៃការញុំាចំណីដែលវាកើតឡើងទូទៅសំរាប់ក្មេងដែលកើតមិនគ្រប់ខែ តែការបង្ខំអោយគេញុំាលើសពីអ្វីដែលគេត្រូវការ នោះ​វានឹងធ្វើអោយទៅជាទំលាប់អាក្រក់ក្នុងការញុំា ហើយវាក៏អាចបណ្តាលអោយមានបញ្ហាសុខភាពដូចជា ជំងឺធាត់ ជំងឺទឹកនោមផ្អែម រឺជំងឺបេះដូងនៅពេលក្រោយដែរ។​​

អ្នកអាចជំនួសដោយការបង្រៀនកូនអ្នកថា​ មាឌវាមិនមែនអ្វីៗទាំងអស់នោះទេ។ ការទទួលស្គាល់និងការលើកទឹកចិត្តដល់កូនអ្នក ថាទោះបីជាគេខ្ពស់ជាងគេរឺទាបជាងគេនៅក្នុងថ្នាក់ក៏ដោយ ក៏អាចជួយអោយគេយល់ថា​ មាឌរបស់គេគឺជាផ្នែកមួយដែលអាចក្លាយទៅជាមនុស្សដែលប្លែកនិងពិសេសជាងគេ។​
ដំណាក់កាលលូតលាស់របស់កូនអ្នក

ថ្វីបើកូនរបស់អ្នកជាទារកមិនគ្រប់ខែរឺអត់ក៏ដោយ ក៏វាគ្មានវិធីណាដែលអាចទាយមុនបានថា​ ពេលណាដែលគេចូលដល់ដំណាក់កាលលូតលាស់ ដែលគេហៅថា​ milestones នោះទេ។ តែវាអាចជំនួសវិញដោយពាក្យ “range of normal “ ដែលជារយៈពេលដែលទារកជាច្រើន អាចសំរេចគោលដៅនូវការ អភិវឌ្ឍន៍ដ៏ធំនេះ។

សំរាប់ទារកមិនគ្រប់ខែ គ្រូពេទ្យផ្នែកកុមារជាច្រើនបានណែនាំអោយប្រើប្រាស់ពាក្យអាយុពិតសំរាប់ទារកដែលកើតមិនគ្រប់ខែ“ adjusted age “ ដើម្បីកំណត់ក្រុមនេះ។ Adjusted age ជួយក្នុងការប្រាប់ថាកូនអ្នកកើតមុនពេលកំណត់ប៉ុន្មានថ្ងែ។

យ៉ាងណាក៏ដោយ បើកូនរបស់អ្នកមិនកើតមិនគ្រប់ខែ នោះគេប្រាកដថា មានពេលវេលាច្រើននៅក្នុងស្បូនអ្នក ដើម្បីត្រៀមខ្លួនមុនពេលដែលគេគិតថាគេនឹងអាចសម្រេចបាននូវដំណាក់កាល​ milestonesនេះ។

នៅពេលដែលអ្នកប្រើពាក្យadjusted age នាំអោយជួរនៃភាពធម្មតា (rage of normal)​ត្រូវបានផ្លាស់ប្តូរ។ ឧទាហរណ៍ នៅពេលដែលទារកគ្រប់ខែជាច្រើន អាចអង្គុយបាននៅចន្លោះពី​អាយុ៤ទៅ៧ខែ នោះទារកដែលកើតមុន២ខែ អាចត្រូវបានគេរំពឹងថានឹងធ្វើកិច្ចការនេះនៅចន្លោះអាយុពី៦ទៅ៩ខែ។

អ្នកអាចដឹងពីអាយុពិតរបស់កូនអ្នក ​ (adjusted age) ដោយធ្វើការរាប់ចំនួនអាទិត្យរវាងថ្ងៃដែលគេកើត និងថ្ងៃដែលគេត្រូវកើត បន្ទាប់មកដកអាយុកូនរបស់អ្នកឡូវនេះ។​ ឧទាហរណ៍ ថាបើអ្នកមានកូនអាយុ៤ខែ ដែលកើតមុនពេលកំណត់៨អាទិត្យ ដូច្នេះអាយុពិតរបស់គេគឺ​ យក៤ខែដកជាមួយនិង៨អាទិត្យ ដែលជាលទ្ធផលគឺ២ខែ បើសិនជាអាយុកូន៦ខែវិញ នោះអាយុពិតរបស់គេគឺយក៤ហើយបើ១២ខែ នោះអាយុពិតគឺអាយុ១០ខែ។​ ចូរស្វែងយល់បន្ថែមទៀតអំពីអាយុពិតរបស់កូនអ្នក។

បើយោងតាមសំដី​ Session Cole ដែលជាវេជ្ជបណ្ឌិតផ្នែករោគកុមារ និងជានាយកផ្នែកវេជ្ជសាស្រ្តនៃទារកទើបនឹងកើតនៅមន្ទីរពេទ្យSt. louis Children’s បានមានប្រសាសន៏ ថា​អាយុពិតអាចមានលក្ខណៈត្រឹមត្រូវសំរាប់ដំណាក់កាលនៃការលូតលាស់ផ្នែកចលនា​​ (ដូចជា ការក្រឡាប់ ការអង្គុយ និងការដើរ) ជាជាងដំណាក់កាលនៃការលូតលាស់ផ្នែកញាណ(ដូចជាការនិយាយរឺការធ្វើសំលេងតាមជាដើម)។ Cole ក៏បានបន្តទៀតថា​ ទារកដែលកើតមិនគ្រប់ខែទំនងជាមានភាពយឺតយ៉ាវ ក្នុងដំណាក់កាលលូតលាស់ផ្នែកញាណរបស់ពួកគេ​ ដូច្នេះហើយ​ បានជាadjusted ageប្រហែលជាអាចមានប្រយោជន៍ច្រើនសំរាប់ដំណាក់កាលលូតលាស់ផ្នែកចលនា។​​ប៉ុន្តែ គួរចាំថាមនុស្សទាំងអស់មិនដូចគ្នានោះទេ។

បើសិនជាអ្នកខ្វល់ពីការលូតលាស់របស់កូនអ្នក នោះអ្នកអាចពិភាក្សាជាមួយវេជ្ជ​បណ្ឌិតប្រចាំការកូនរបស់គេ សំរាប់សេវាកម្មក្នុងការធ្វើអន្តរាគមន៍ អោយទាន់ពេលវេលា (សំរាប់កុមារដែលមានអាយុតិចជាង៣ឆ្នាំ)

តាមរយៈការសិក្សាស្រាវជ្រាវមួយ បានបញ្ជាក់ថាការធ្វើអន្តរាគមន៍ទាន់ពេលវេលា វាមានផលប្រយោជន៍ខ្លាំងណាស់សំរាប់ដែលទារកកើតមិនគ្រប់ខែ។               តាមរយៈMia Doron​ ដែលជាសាស្រា្តចារ្យរងផ្នែករោគកុមារនៅសាកលវិទ្យាល័យ North Carolina​ និងជាអ្នកនិពន្ធ The Essential Guide for Parents of Premature Babies បាននិយាយថា “អ្នកប្រហែលជាយល់ឃើញថាអាយុពិតរបស់កូនអ្នក កាន់តែគ្មានភាពទាក់ទងគ្នានៅពេលដែលកូនអ្នកធំ។ ពួកយើងមិនទាន់អាចបញ្ជាក់ច្បាស់ថាពេលណាដែលគួរតែឈប់ប្រើពាក្យអាយុពិតនោះទេ ប៉ុន្តែនៅចំនុចខ្លះ វាមិនមានភាពខុសគ្នាខ្លាំងនោះទេ ហើយជាទូទៅនៅចន្លោះអាយុពី២ទៅ៣ឆ្នាំ”។

នៅពេលដែលគេអ្នកឆ្លងកាត់ព្រឹត្តការណ៍សំខាន់ក្នុងជីវិតដូចជា ការចូលរៀនសាលាមតេយ្យ រឺការជ្រើសរើសខ្ទមពេលទៅបោះជំរុំ បានធ្វើអោយមាតាបិតាខ្លះគាត់ដឹងពីសារៈប្រយោជន៍ក្នុងការគិតថា Adjusted age ដូចជាក្មេងដែលអាយុកាន់តែធំដែរ។ បើសិនជាកូនអ្នកមើលទៅហាក់ដូចជាក្មេងជាងមិត្តភក្តិរបស់គេដែលមានអាយុស្របាលគ្នានោះ អាចនាំអោយអ្នកចង់ដាក់អោយគេនៅជាមួយក្មេងដែលមានអាយុតិច។ Doronបានបន្ថែមទៀតថា “ adjusted for ageនៅតែមានលក្ខណៈត្រឹមត្រូវក្នុងករណីបែបនេះ”។

ជាចុងបញ្ចប់ ចូរចងចាំថាក្នុងអំឡុងពេលដែលដំណាក់កាលលូតលាស់មានសារៈសំខាន់ ដូច្នេះវាមិនទាន់លេចចេញជារូបភាពពិតប្រាកដរបស់កូនអ្នកនៅឡើយទេ។ Cole បាននិយាយថា “ ដំណាក់កាល Milestones មានគុណប្រយោជន៍ខ្លាំងណាស់ក្នុងការជួយតាមដានពីការលូតលាស់របស់កូនអ្នក ប៉ុន្តែកុមារខ្លះក៏មានឥទ្ធិពលម្យ៉ាង ដែលធ្វើអោយ milestones ចាប់មិនបានដែរ។ ពួកយើងមិនគួរទាត់ចោលឥទ្ធិពលទាំងអស់នេះទេ បើទោះបីជាវាមិនប្រាកដថាអាចចូលក្នុង milestones បានដែររឺអត់ក៏ដោយ។ ការទូន្មាននេះក៏ត្រូវសំរាប់ទារកដែលកើតលើសខែដែរ។ Jeff Stimpson គាត់បានសរសេរអំពីកូនរបស់គាត់ដែលមានអាយុ៥ឆ្នាំឈ្មោះថា Alex: ឪពុករបស់ទារកមិនគ្រប់ខែ “ គេអាចផ្គុំរូប៣៤៨ផ្ទាំងក្នុងពេលតំណាលគ្នា ដែលខ្ញុំមិនអាចធ្វើបាននោះទេ”។